Reykjalundur hjartateymi
Í hnotskurn
Þjónusta
Félagsráðgjöf ♥ Fræðsla ♥ Göngur ♥ Handverkshópur ♥ Iðjuþjálfun ♥ Læknismeðferð ♥ Námskeið ♥ Næringarráðgjöf ♥ Sálfræðiþjónusta ♥ Sjúkraþjálfun ♥ Skapandi starf ♥ Svefnfræðsla ♥ Vatnsleikfimi
Fyrir hverja?
Einstaklinga með nýgreindan hjartasjúkdóm eða eftir nýtt inngrip vegna þekkts hjartasjúkdóms.
Einstaklinga sem hafa farið í stofnfrumumeðferð vegna krabbameins.
Hvert er markmiðið?
Markvisst er unnið að því í hjartaendurhæfingunni að aðstoða einstaklinga við að þekkja og takast á við sína áhættuþætti fyrir hjartasjúkdómum. Má þar til dæmis nefna ofþyngd, sykursýki, streitu, tóbaksnotkun og hreyfingarleysi. Hægt er að hafa áhrif á þessa þætti til hins betra.
Nánari upplýsingar
Grundvallarstefna hjartateymis er að veita faglega hjartaendurhæfingu sem byggir á niðurstöðum nýjustu viðurkenndra vísindarannsókna. Í hjartateymi starfa félagsráðgjafi, heilsuþjálfari, hjúkrunarfræðingar, iðjuþjálfi, læknar, næringarfræðingur, sálfræðingur, sjúkraþjálfarar og deildarritari.
Áhersla er lögð heildræna meðferð þar sem meginþættir eru líkamleg þjálfun, aðstoð við sálræna, félagslega og líkamlega aðlögun, meðferð áhættuþátta og fræðsla. Markmiðið er að stuðla að auknu öryggi og lífsgæðum sem vinna má að áfram á eigin spýtur í framhaldi endurhæfingar.
