Klúbburinn Geysir býður velkomna þá sem eiga eða hafa átt við geðræn veikindi að stríða, til að vinna uppbyggilegt starf á jafningjagrundvelli með það að markmiði að auka samfélagslega þátttöku og efla lífsgæði.
Það er gert með því að:
- Vera öruggur samastaður
- Hafa fjölbreytt verkefni á vinnumiðuðum degi
- Efla sjálfstraust með því að taka tillit til styrkleika, áhuga og getu hvers og eins hverju sinni
- Veita stuðning í námi og atvinnuleit
- Bjóða tímabundin atvinnutækifæri
Félagar og starfsfólk klúbbsins ber sameiginlega ábyrgð á rekstrinum.
Klúbburinn byggir starfsemi sína á skipulögðum vinnudegi. Öll starfsemin er eingöngu í þágu klúbbsins og félaga hans. Félagar og starfsfólk skipta með sér verkum og ákveða í sameiningu hvaða störf þarf að inna af hendi.
Störf innan hússins eru unninn í eftirfarandi deildum: Eldhús- og viðhaldsdeild, skrifstofu og atvinnu-og menntadeild. Öll vinna félaga innan klúbbsins er unnin í sjálfboðavinnu.
Deildarfundir
Deildarfundir eru haldnir í hverri deild tvisvar á dag, kl. 09.15 og 13.15. Á deildarfundum er farið yfir stöðu verkefna og félagar velja sér störf sem liggja fyrir og þeir hafa áhuga á að inna af hendi.
Klúbburinn býður m.a. upp á:
- atvinnutækifæri
- ráðningu til reynslu
- atvinnu með stuðningi og sjálfstæða ráðningu
Klúbburinn Geysir er félags- og virkniúrræði fyrir fullorðið fólk sem hefur glímt við geðrænar áskoranir. Þetta er ekki hefðbundin meðferð heldur öruggur staður þar sem fólk hittir aðra, tekur þátt í gagnlegum verkefnum og fær félagslegan stuðning. Markmiðið er að efla sjálfstraust, styrkja daglega rútínu og auka þátttöku í samfélaginu. Lögð er áhersla á virðingu, styrkleika hvers og eins og að fólk taki þátt á sínum eigin forsendum. Klúbburinn veitir líka stuðning við nám, atvinnuleit og tímabundin störf fyrir þau sem vilja komast aftur út á vinnumarkaðinn.
