Akraneskaupstaður stendur fyrir félagsstarfi fyrir aldraða og öryrkja. Almenn handavinna er í boði svosem leir og gler. Einnig mósaík, skartgripagerð og fleira sem er auglýst sérstaklega. Á fésbókarsíðu félagsstarfsins er starfið kynnt reglulega.

Starfinu er ætlað að fyrirbyggja félagslega einangrun og koma til móts við áhugasvið, færni og þekkingu þátttakenda á hverjum tíma í ýmis konar listsköpun og verkefnum sem oft eru árstíðabundin. Félagsstarf aldraða hefur það markmið að stuðla að samskiptum og veita félagsskap.