Nánari upplýsingar

Bjarkarhlíð er miðstöð fyrir þolendur ofbeldis og er þar boðið upp á áfallamiðaða ráðgjöf, stuðning og upplýsingar fyrir þolendur ofbeldis af öllum kynjum.

Bjarkarhlíð:

• Veitir samhæfða þjónustu á forsendum þolenda
• Veitir upplýsingar um kæruferli og réttarvörslukerfi hjá lögreglu
• Aðstoðar lögreglu við að tryggja öryggi  þolenda og meta hættu á frekara ofbeldi
• Börn sem verða vitni að ofbeldi fá viðtöl hjá sálfræðingum Barnaverndar Reykjavíkur

Bjarkarhlíð vekur athygli á því að núna eru þau að bjóða upp á þjónustu fyrir alla íbúa á Vesturlandi og Vestfjörðum.

Ráðgjafi Bjarkarhlíðar verður á Akranesi, Borgarnesi, Grundarfirði, Hólmavík, Ísafirði og á Patreksfirði. Upplýsingar um lausa tíma er að finna á heimasíðu Bjarkarhlíðar, bjarkarhlid.is eða í NOONA appinu.