Plastiðjan Bjarg Iðjulundur

Fyrir hverja?

Plastiðjan Bjarg - Iðjulundur (PBI) er vinnustaður fyrir fólk sem vegna fötlunar eða af öðrum ástæðum er með skerta starfsgetu

Hvert er markmiðið?

Markmiðin eru:

• Að skapa gott vinnuumhverfi og störf við hæfi þeirra sem eru í vinnu á PBI.
• Að auka vinnuhæfni fatlaðra og langtíma atvinnulausra í starfsþjálfun og starfsendurhæfingu.
• Að efla þátttöku fatlaðs fólks á almennum vinnumarkaði.

Nánari upplýsingar

Á Plastiðjunni Bjarg Iðjulundi fær fjölbreyttur hópur starfsfólks með ólíkar áskoranir tækifæri til að vera virkur þátttakandi í íslensku atvinnulífi. PBI er vinnustaður og starfsþjálfunarstaður sem hefur það markmið að þjálfa fólk til starfa og meta möguleika þeirra til vinnu á almennum vinnumarkaði.

Helstu verkefni:

Helstu verkefni vinnustaðarins er starfsþjálfun, undirbúningur fyrir það að snúa aftur á vinnumarkaðinn og að skapa vinnutækifæri fyrir þá sem eru með skerta starfsgetu af ýmsum ástæðum.

Verkefni í vinnu eru fyrst og fremst ýmis iðnaðarframleiðsla. Má þar nefna framleiðslu á raflagnaefni, kertum, skiltum, búfjármerkjum og textílvörum.