Heimilisfang: Kleppsgörðum, 104 Reykjavík
Símanúmer: 543 4200
Þeir sem eru í meðferð eða á biðlista hjá DAM teymi geta haft samband með því að senda fyrirspurn í gegnum Heilsuveru.
Greinar og umfjöllun
DAM teymi Landspítala
Í hnotskurn
Þarf tilvísun? Já
Aldursflokkur: Allur aldurshópur
Tilvísun frá hverjum? Heilbrigðisstarfsfólki
Er úrræðið niðurgreitt? Já
Hvernig er aðgengið? Óvitað
Þjónusta
1
Fyrir hverja?
Meginverkefni teymisins er að sinna einstaklingum með alvarlegan tilfinningavanda.
Hvert er markmiðið?
Í DAM meðferð er lögð áhersla á aukna meðvitund um hugsanir og tilfinningar (núvitund) og færni í tilfinningastjórn, samskiptum og streituþoli. Heildarmarkmið meðferðar er að stuðla að bættri samskiptafærni, tilfinningaviðbrögðum, hugsunum og hegðun í tengslum við vandamál í daglegu lífi.
Nánari upplýsingar
Tímalengd meðferðar eru um sex mánuðir. Meðferðin samanstendur að lágmarki af DAM færniþjálfun sem er kennd í hóp einu sinni í viku og samhliða einstaklingsviðtölum einu sinni í viku.
- Meðferðin er einstaklingsbundin og aðkoma ólíkra starfstétta er mismunandi hverju sinni.
- Aðstandendafræðsla er í boði fyrir aðstandendur skjólstæðinga teymisins sem eru við það að ljúka DAM meðferð. Sjúklingar fá upplýsingar um fræðsluna undir lok meðferðar.
DAM meðferð skiptist í fjóra þætti:
- Núvitund
- Markmið núvitundar er að verða meðvitaðri um hugsanir, tilfinningar og líkamleg viðbrögð. Núvitundin hjálpar einnig við að njóta þess sem er og lifa lífinu með aukinni ánægju.
- Streituþol
- Kenndar eru aðferðir til að sefa erfiðar tilfinningar um stundarsakir svo hægt sé að beita hjálplegri leiðum til að ná tökum á streitu. Streituþolsfærni skiptist í tvo þætti annars vegar að þola við í erfiðum aðstæðum og tilfinningum án þess að gera þær verri og hins vegar að læra að gangast við raunveruleikanum eins og hann er í raun og veru.
- Tilfinningastjórnun
- Fræðsla um tilfinningar, bera kennsl á eigin tilfinningar, hlutverk þeirra og hvernig þær hafa áhrif á líkama okkar og hegðun. Auk þess eru kenndar aðferðir til þess að vinna með óvelkomnar tilfinningar.
- Samskiptafærni
- Kennd færni til að auka árangursrík samskipti, svo sem vinna með erfiðleika í samskiptum og leiðir til að byggja upp og rækta sambönd.
