Grófin geðverndarstöð
Í hnotskurn
Þjónusta
Fræðsla ♥ Jafningjafræðsla ♥ Klúbbastarf ♥ Kvikmyndahópur ♥ Líkamsrækt ♥ Markmiðavinna ♥ Námskeið ♥ Samvera ♥ Sjálfsstyrking ♥ Sjálfsumhyggja ♥ Skapandi starf ♥ Spilamennska ♥ Stuðningur ♥ Söngur ♥ Virkni
Fyrir hverja?
Grófin geðrækt er fyrir einstaklinga 18 ára og eldri á öllum stigum bataferlisins sem vilja bæta heilsuna með geðrækt og batavinnu gegnum hópastarf á jafningjagrundvelli.
Hvert er markmiðið?
Markmið Grófarinnar er meðal annars að skapa tækifæri fyrir þau sem glíma við andlega erfiðleika til að vinna í sínum bata á eigin forsendum og á eigin ábyrgð, sem og að skapa vettvang fyrir öll þau sem vilja vinna að geðrækt á jafningjagrunni, hvort sem þeir eru notendur geðheilbrigðisþjónustunnar, fagaðilar, aðstandendur eða einfaldlega áhugafólk um framfarir í geðheilbrigðismálum! Auk þess leitumst við eftir því að bæta lífsgæði þátttakenda og að standa að samfélagsfræðslu og forvörnum til að auka skilning og draga úr fordómum gagnvart þeim sem glíma við geðraskanir. Einnig viljum við stuðla að bættri nálgun í geðheilbrigðiskerfinu þar sem hugmyndir valdeflingar um notendasýn og bataferli á jafningjagrunni fái aukið jafnvægi.
Markmið Grófarinnar eru fjögur:
- Tækifæri: Við viljum veita fólki tækifæri á hlutverkum til sjálfseflingar, aukinnar virkni og bættra lífsgæða.
- Forvarnir: Við leggjum upp úr því að draga úr fordómum og vinna að forvörnum.
- Þekking: Við miðlum þekkingu og reynslu af bata og bataferli til geðræktar.
- Samvinna: Við viljum efla samvinnu við aðila sem vinna að geðheilbrigðismálum.
Grófin geðrækt er gjaldfrjálst úrræði
